Расейскія ўлады рыхтуюць спрошчанае атрыманне расейскага грамадзянства для жыхароў Беларусі. Пра гэта паведаміла «Известиям» кіраўніца галоўнага ўпраўлення ў пытаннях міграцыі МУС Расеі Валянціна Казакова.
«Наперадзе ў нас – спрашчэнне працэдур набыцця грамадзянства для нашых суайчыннікаў, грамадзянаў Беларусі, Украіны. Іх мы хочам вызваліць ад сумоўя, якое праводзіцца для прызнання людзей носьбітамі расейскай мовы», – паведаміла Валянціна Казакова.
Акрамя таго, паводле прадстаўніцы МУС, плануецца спрасціць магчымасць набыцця расейскага грамадзянства для жыхароў Украіны, Малдовы, Казахстана і Беларусі, якія не з’яўляюцца этнічнымі расейцамі.
Як адзначыла Казакова, колькасць жыхароў гэтых дзяржаў, якія жадаюць набыць расейскае грамадзянства, стала расце.
МГ belsat.eu