Заснавальнік Іркуцкага таварыства беларускай культуры імя Яна Чэрскага, сябра моладзевага клуба «Крывічы», Алег Рудакоў павіншаваў беларусаў з Днём Волі і 100-годдзем БНР.
Віншаванне Алег Рудакоў запісаў на месцы, дзе 13 000 гадоў таму жылі маманты.
«Мы павінны святкаваць гэты дзень. Мы павінны памятаць і шанаваць яго, дзе б мы не былі. Няхай ідэалы БНР і Дня Волі жывуць вечна. Хай жывуць так доўга, як жылі гэтыя маманты», – кажа Рудакоў на відэавіншаванні.
Назірайце за святам незалежнасці онлайн. Сёння, а 12:00 «Белсат» пачне наўпроставую трансляцыю святочнага канцэрту ў Менску, акцыяў у іншых гарадах Беларусі. Святкуйма Дзень Волі разам!
ЮВ, belsat.eu
