Беларусь у Польшчы будзе прадстаўляць новы пасол, Лукашэнка прыняў кадравыя рашэнні


Кіраўнік краіны Аляксандр Лукашэнка 12 лютага разгледзеў кадравыя пытанні. Новыя асобы занялі пасады ў амбасадах Беларусі за мяжой, а таксама прызначаныя памочнікі кіраўніка дзяржавы.

Гэтак надзвычайным і паўнамоцным паслом Беларусі ў Польшчы прызначаны Уладзімір Чушаў, паведамляе прэсавая служба Лукашэнкі.

Надзвычайным і паўнамоцным паслом Беларусі ў Каралеўстве Іспанія і па сумяшчальніцтве пастаянным прадстаўніком Беларусі пры Сусветнай турыстычнай арганізацыі прызначаны Павел Пуставы.

Надзвычайны і паўнамоцны пасол Беларусі ў Аўстрыі, пастаянны прадстаўнік Беларусі пры міжнародных арганізацыях у Вене Алена Купчына будзе таксама прадстаўляць інтарэсы краіны ў Славеніі і ў АБСЕ.

Пашырана сфера адказнасці надзвычайнага і паўнамоцнага пасла Беларусі ў Венгрыі і па сумяшчальніцтве ў Босніі і Герцагавіне Аляксандра Панамарова і надзвычайнага і паўнамоцнага пасла Беларусі ў Японіі Руслана Есіна. Першы прызначаны паслом па сумяшчальніцтве ў Харватыі, другі – па сумяшчальніцтву ў Аўстраліі і Новай Зеландыі.

Віталь Прыма прызначаны памочнікам кіраўніка краіны – інспектарам па Менску.

Анатоль Маркевіч стаў памочнікам Лукашэнкі і інспектарам па Берасцейскай вобласці.

Андрэй Свірыдаў прызначаны намеснікам Кіраўніка справаў прэзідэнта Беларусі.

Лукашэнка таксама даў згоду на прызначэнне Аляксандра Мароза генеральным дырэктарам ААТ «Менскі механічны завод імя С. І. Вавілава – кіроўная кампанія холдынгу» БелОМА».

Кадравыя землятрусы ў суботу, Лукашэнка змяніў мэра Менску

СК, belsat.eu

Глядзі таксама
Каментары