Беларусь пачала купляць амерыканскую нафту


Першыя пастаўкі пачнуцца ўжо праз пару дзён.

Беларусь пачала купляць нафту ў ЗША. Аб гэтым на старонцы Міністэрства замежных спраў напісаў кіраўнік ведамства Уладзімір Макей.

«З задавальненнем пацвярджаю пачатак паставак нафты з ЗША ў Беларусь. Гэта стала магчымым дзякуючы дамоўленасцям, якія мы дасягнулі падчас візіту ў Рэспубліку Беларусі Дзяржаўнага сакратара ЗША Майкла Пампэа», – адзначыў міністр замежных спраў.

У паведамленні адзначаецца, што пакупка амерыканскай нафты – гэта частка дзяржаўнай стратэгіі па дыверсіфікацыі крыніц забеспячэння і забеспячэнне ўстойлівай працы беларускай нафтаперапрацоўчай прамысловасці.

Першы танкер з 80 тысячамі тонаў нафты для Беларусі ўжо 17 траўня адправіцца з ЗША. Прыбыццё ў порт Клайпеды прызначаны на пачатак чэрвеня, а ў Беларусь патрапіць па чыгунцы адразу на завод «Нафтан». Аб гэтым паведаміў БелТА прэс-сакратар «Белнафтахіму» Аляксандр Цішчанка.

Макей адзначыў, што Беларусь працягвае працу з ЗША па развіцці эканамічных сувязяў паміж краінамі.

«Беларускі бок працягне дзейнічаць у інтарэсах умацавання партнёрскіх дачыненняў з ЗША, якія, згодна з нашымі перакананнямі, уяўляюць сабой унёсак у агульныя намаганні па пераадоленні супярэчнасцяў у Еўра-Атлантыцы і Еўразіі», – піша Уладзімір Макей.

Аб’ектыў
Майк Пампэа: ЗША хочуць дапамагчы Беларусі пабудаваць незалежную дзяржаву
2020.02.04 21:33

КТ Belsat.eu

Стужка навінаў