Міністэрства аховы здароўя Беларусі не разглядае ўвядзенне абмежавання ўезду грамадзянаў Кітаю, як гэта зрабілі ў Расеі, піша «Интерфакс».
Расея з 20 лютага часова прыпыніла ўезд жыхароў з Паднябеснай на тэрыторыю РФ. У сваю чаргу наша краіна пакуль не мае намеру абмежаваць уезд грамадзянаў КНР праз каронавірус.
«З улікам апошніх рэкамендацыяў САЗ закрыццё межаў у Беларусі пакуль не разглядаецца», – паведамляе Міністэрства аховы здароўя Беларусі.
19 лютага з Расеі вяртаюцца грамадзяне Беларусі, якіх эвакуявалі з кітайскага Ўу-Ханю ў Цюмень. Два тыдні яны правялі ў адмысловым каранціне.
Міністэрства аховы здароўя паведамляе, што каронавірусу ў Беларусі не выяўлена. Тым часам у свеце зарэгістравана 75 199 захворвання на каронавірус. Інфекцыя забрала жыцці 2010 асобаў.
СК belsat.eu
