Дакумент пра адмену роўмінгу паміж Беларуссю і Расеяй могуць падпісаць да 15 верасня. Пра гэта заявіў 11 ліпеня беларускі амбасадар у Маскве Уладзімір Сямашка падчас візіту ў Наўгародскую вобласць.
«Ёсць, калі мне не здраджвае памяць, наўпроставае даручэнне прэзідэнтаў па роўмінгу да 15 верасня гэтага года падпісаць адпаведны дакумент», – сказаў амбасадар, перадае ТАСС.
Сямашка адзначыў, што нягледзячы на наяўнасць пэўных нюансаў адказныя міністэрствы дзвюх краінаў «ужо прыйшлі да нейкага кансэнсусу».
З ідэяй адмены роўмінгу паміж Беларуссю і Расеяй яшчэ ўлетку 2017 года выступіла спікер Савету Федэрацыі РФ Валянціна Матвіенка.
2 траўня 2019 года міністр сувязі ды інфарматызацыі Беларусі Канстанцін Шульган заявіў, што не бачыць спосабаў адмяніць роўмінг з расейскімі мабільнымі аператарамі.
МГ belsat.eu