Урады Беларусі ды Албаніі дамовіліся аб узаемнай адмене візавых патрабаванняў. Пра гэта паведамілі ў беларускай амбасадзе ў Расеі.
Пагадненне паміж урадамі Беларусі ды Албаніі падпісалі 27 снежня ў Маскве пасол Беларусі ў РФ Уладзімір Сямашка і пасол Албаніі ў РФ Арбен Газіёні.
Дакумент пасля ўступлення ў моц дазволіць грамадзянам дзвюх краін без віз уязджаць, знаходзіцца і праязджаць транзітам праз іх на тэрмін да 30 дзён.
У 2018 годзе запрацавалі пагадненні аб узаемных бязвізавых паездках грамадзянаў з Кітаем, Сэнт-Кітс і Нэвіс.
МГ belsat.eu