Другога сакавіка чакаецца воблачнае з праясненнямі неба. У большасці раёнаў ападкі, пераважна дождж, паведамляе Белгідрамет.
Днём 2-га сакавіка тэмпература паветра ў Беларусі складзе ад пяці да дзесяці градусаў цяпла. Чакаецца воблачнае з праясненнямі надвор’е, па большай частцы краіны пройдуць дажджы.
У Менску ў другой палове дня невялікі дождж (верагоднасць ападкаў 70-80 %). Вецер паўднёвы, паўднёва-ўсходні ўмераны да парывістага. Тэмпература паветра раніцай ад двух да чатырох цяпла, днём паветра прагрэецца да васьмі вышэй за нуль, вечарам прагназуецца ад чатырох да шасці градусаў цяпла.
СК belsat.eu