Першы энергаблок Беларускай Атамнай электрастанцыі ў Астраўцы амаль гатовы да пуску. Цалкам у прамысловую эксплуатацыю ён будзе ўведзены ў першым квартале 2021, распавёў міністр энергетыкі Віктар Каранкевіч у інтэрв’ю SB.by.
Раней у Мінэнергетыкі паведамлялі, што працы на першым энергаблоку выкананыя на 98 %. На другім энергаблоку скончана 72 % будаўніча-мантажных прац. А цяпер адбываецца падрыхтоўка да ўстановачных прац на другім энергаблоку.
Фізічны старт першага энергаблоку запланаваны на жнівень сёлета. А прамысловая эксплуатацыя распачнецца ў наступным годзе.
«Цалкам у прамысловую эксплуатацыю яго плануецца ўвесці ў першым квартале 2021 года», – распавёў міністр энергетыкі Віктар Каранкевіч.
Супраць запуску БелАЭС актыўна выступае суседняя Літва, бо станцыя знаходзіцца вельмі блізка да яе сталіцы – Вільні.
СК belsat.eu