31-гадоваму ўраджэнцу Віцебску Дзмітрыю Новікаву ў Дружкоўскім гарадскім судзе Данецкай вобласці Украіны зачыталі абвінавачанне. Паводле чатырох артыкулаў Крымінальнага кодэксу, яму сукупна пагражае да 25 гадоў зняволення.
Новікава вінавацяць ва ўдзеле ў тэрарыстычнай групы (арт. 258-3 КК), вядзенні агрэсіўнай вайны (арт. 437), учыненні злачынства ў складзе арганізаванай групы (арт. 28) і парушэнні парадку ўезду на часова акупаваную тэрыторыю Украіны (арт. 332-1), паведамляе «Віцебская Вясна».
Паводле следства, Новікаў ваяваў у складзе тэрарыстычнай групоўкі «ДНР» ад 7 лістапада 2014 году да 16 чэрвеня 2015-га, а ў 2017-м зноў вярнуўся на «вайсковую службу» і быў затрыманы 10 жніўня 2018 году. Адзначаецца, што ён быў камандзірам танку танкавага батальёну «Самалі», удзельнічаў у штурме Данецкага аэрапорту ў 2015 годзе.
Суддзя працягнуў тэрмін утрымання Новікава пад вартай яшчэ на 2 месяцы і абвясціў перапынак да 30 кастрычніка.
У Беларусі ў яго засталіся жонка і дзіця.
МГ belsat.eu
