Бабарыка на сустрэчы з ініцыятыўнай групай: Мне прапанавалі пасаду прэм'ера за зняцце з выбараў
25 траўня магчымы кандыдат у прэзідэнты Віктар Бабарыка правёў сустрэчу з членамі сваёй ініцыятыўнай групы.
Падчас сустрэчы з ініцыятыўнай групай Віктар Бабарыка заявіў, што атрымаў прапанову заняць пасаду кіраўніка ўраду.
«У мяне была прапанова: «давайце абʼяднаемся». Я кажу: «Як?» «Ну вы здымаецеся, а мы вам дамо пасаду прэмʼер-міністра». Я кажу: «Выдатнае абʼяднанне», – сказаў Віктар Бабарыка, адказваючы на пытанне пра магчымае абʼяднанне з іншымі ўдзельнікамі выбарчай гонкі.
На пытанне аднаго з удзельнікаў сустрэчы пра тое, ці мае ў нататніку Віктар Бабарыка нумар Сяргея Румаса (дзейсны кіраўнік ураду), патэнцыйны кандыдат сказаў, што не каментуе рэчы звязаныя з «трэцімі асобамі».
Віктар Бабарыка не ўдакладніў, хто прапанаваў яму пасаду прэмʼера. «Я не каментую без згоды іншых асобаў, я лічу гэта проста некарэктна», – сказаў былы банкір.
ЮВ belsat.eu
