На «гарачую лінію» расейскага інтэрнэт-праекту супраць катаванняў і рэпрэсіяў «Gulagu.net» даслалі відэа са Следчага ізалятару № 4 у Анжэра-Суджэнску, на якім бачна, як выглядае вобшук у адной з камераў: зняволеных выводзяць на калідор, зневажаюць, б’юць і ставяць да сцяны. Пасля ў камеры ладзяць ператрус.
Заснавальнік праекту Уладзімір Асечкін звярнуўся са зваротам да расейскіх уладаў, у тым ліку да генеральнага пракурора Юрыя Чайкі, зладзіць праверку ў СІЗА паводле фактаў катавання і знявагі людзей.
Паводле Асечніка, метраж камеры – 21 кв. м. – не адпавядае нормам утрымання шасцярых зняволеных: на адну асобу прыпадае менш за чатыры квадратныя метры, хоць на афіцыйнай старонцы СІЗА гаворыцца, што ізалятар адпавядае неабходным сучасным еўрапейскім патрабаванням.
На відэа бачна, што камера знаходзіцца ў аварыйным стане: напрыклад, у падлозе не хапае дошак.
ДД belsat.eu