11 ліпеня суд Заводскага раёну Менску вынес прыгавор 18-гадоваму студэнту Акадэміі авіяцыі, грамадзяніну Азербайджана Рустаму Рагімаву, піша TUT.BY.
Маладзёна прызналі вінаватым у наўмысным забойстве хлопца з Менску, з якім ён канфліктаваў праз дзяўчыну.
Хлопец атрымаў 11 гадоў калоніі ўзмоцненага рэжыму. Азербайджанец таксама мае кампенсаваць маральную шкоду: па Br 70 000 – бацькам загінулага, па Br 50 000 – ягонаму брату і бабулі.
Паводле следства, падчас бойкі Рагімаў не менш за 10 разоў штурхнуў і ўдарыў суперніка рукамі і нагамі, а потым адзін раз нажом – гэтага хапіла, каб хлопец памёр.
Рагімаў сваю віну не прызнаў, сцвярджаючы, што ён толькі абараняўся ад нападу, а мянчук напароўся на ўласны нож.
ЮВ belsat.eu