«Азатлык»: У Туркменістане мужчынам забаранілі фарбаваць сівізну

Гурбангулы Бердымухамедаў. Фота: tdh.gov.tm

У дзяржаўных установах і прадпрыемствах Лебапскага велаяту Туркменістану работнікам-мужчынам, старэйшым за 40 гадоў, забаранілі фарбаваць валасы ў чорны колер. Пра гэта паведамляе радыё «Азатлык».

Патрабаванне не фарбаваць сівыя валасы з’явілася 4 лютага. Яно датычыць працаўнікоў усіх дзяржаўных установаў, у тым ліку школаў і больніцаў.

https://belsat.eu/news/u-turkmenistane-zvolnyats-toustyh-palitsyyantau/

Кіраўнікі дзяржаўных арганізацыяў тлумачаць гэта «пасівелымі валасамі» прэзідэнта Гурбангулы Бердымухамедава.

Раней, калі Бердымухамедаў сам фарбаваў валасы ў чорны колер, ад мужчынаў-бюджэтнікаў патрабавалі хаваць сівізну пад чорнай фарбай, а зараз патрабуюць зусім адваротнае. Кіраўнік краіны перастаў фарбаваць валасы з ліпеня 2018 года, і сёння яны амаль цалкам белыя.

https://belsat.eu/news/prezident-turkmenistanu-azhyu-i-skiravausya-da-bramy-pekla/

У жніўні 2018 года ўлады забаранілі фарбаваць валасы ў жаночых салонах прыгажосці і мужчынскіх цырульнях.

Таксама ў дзяржустановах Туркменістану работнікам-мужчынам шмат гадоў забаронена адрошчваць доўгія валасы і бараду.

МГ belsat.eu

Падпісвайся на telegram Белсату

Hавiны