У нядзелю, 23 лютага, кошт аўтамабільнага паліва на запраўках вырасце на 1 капейку, падае прэсавая служба «Белнафтахіму».
Кошт бензіну АІ-92-К5-Еўра складзе Br 1,72, АІ-95-К5-Еўра – Br 1,82, АІ-98-К5-Еўра – Br 2,04. Дызельнае паліва будзе каштаваць Br 1,82.
У канцэрне тлумачаць падаражэнне паліва зніжэннем курсу беларускага рубля.
Гэтае падаражэнне паліва стане восьмым з пачатку года. Апошні раз бензін і дызель падаражэлі на 1 капейку 16 лютага.
Летась цэны на паліва мяняліся 28 разоў, пазалетась – 27.
ДД belsat.eu