Беларускую АЭС пад Астраўцом будзе ахоўваць асобнае самастойнае воінскае падраздзяленне. У чацвер з помпаю зладзілі адкрыццё вайсковага гарадка для «атамных міліцыянтаў».
Вайсковая частка 7473 уваходзіць у склад унутраных войскаў і падпарадкоўваецца МУС. «Запускаць» вайсковы гарадок прыехалі міністр унутраных справаў Ігар Шуневіч і камандзір унутраных войскаў Юрый Караеў.
Дзяржаўнае агенцтва «Белта» перадае, што жаўнеры будуць жыць у памяшканнях, якія «цяжка назваць казармамі».
Тым часам афіцэрскі склад і прапаршчыкі забяспечаныя арэндным жытлом.
МЛ, belsat.eu
Фота Максіма Гучэка, belta.by