Асудзілі вазочніка, вядомага інструктара па кросфіту Віктара Захар’ева за ўдзел у масавых мерапрыемствах

Віктар Захар’еў у чаканні суда. Фота: «Белсат»

Вазочніка Віктара Захарʼева, вядомага інструктара па кросфіту, судзілі 11 лістапада ў судзе Савецкага раёну Менску па «народнаму» артыкулу 23.34 за ўдзел у маршы 4 кастрычніка.

Адразу паседжанне павінна было праходзіць на другім паверсе, але яго перанеслі на першы, бо ў будынку суда няма ліфту. А Захар’еў – у вазку.

Віктар Захар’еў у чаканні суда. Фота: «Белсат»

Сведкам на судзе быў участковы Громаў. Ён сцвярджаў, што Віктар Захарʼеў прымаў актыўны ўдзел у мітынгу, крычаў «Жыве Беларусь» і махаў рукамі. Захарʼеў гэта адмаўляе. Махаць рукамі ён не можа, бо трэба кіраваць вазком.

Судзя прысудзіў інваліду 1 групы Віктару Захар’еву штраф у 15 базавых велічынь (405 рублёў).

Суддзя прыехала дахаты да інваліда-вазочніка, каб аштрафаваць яго за ўдзел у мітынгу

АА, belsat.eu

Hавiны