Асуджаны да расстрэлу беларус звярнуўся ў ААН

Дом, у якім адбылося забойства. Фота: sk.gov.by

Камітэт правоў чалавека ААН зарэгістраваў зварот асуджанага да смяротнага пакарання грамадзяніна Беларусі Віктара Паўлава.

Зварот зарэгістравалі 28 лютага за нумарам 3714/2020. Яго падрыхтаваў беларускі праваабаронца Павал Левінаў у межах кампаніі «Праваабаронцы супраць смяротнага пакарання», паведамляе ў Facebook старонка «Смяротнае пакаранне ў Беларусі».

https://www.facebook.com/niepakaranniu/photos/a.119391762790072/228111058584808/?type=3&__xts__%5B0%5D=68.ARCg5vy_J_IR8uqpd13aXoMjBytxcph-scS0PeKdihLlMY8pGbj047gKdxBax3IHOFeu8pJ3dygNFGWYYVNXHK4uMmTsFAY_2Cc1F1Y3FmH5m5mb3Oce8B2YaC98O6dUJw_3wpAyTTjq4rKWkkYq6w97oIyoCbHHdZ1XN85WeUAdx5P_ZcRZNQq66UtQXNFLswiTjpN5KqTRyEI8pCvoocdvFlYakHi4YMgoHB_Bd_VZXAwetJBa2AgyFDZ6N1bnYx_HZVN3LbbhMmhUe6upswPrc1d0TYp4j0oZMc3EPUtloD6zbL5WkUqSfuLd7GhI0fXj0SkvaEWt15QhDU3QJcA&__tn__=-R

Пасля рэгістрацыі Камітэт правоў чалавека ААН звярнуўся да ўраду Беларусі з просьбай не прыводзіць прысуд у выкананне да таго, як яны разгледзяць скаргу Віктара Паўлава.

https://belsat.eu/news/u-vitsebsku-vyneseny-chargovy-smyarotny-prysud/

Віцебскі абласны суд вынес Віктару Паўлаву смяротны прысуд 30 ліпеня 2019 года, прызнаўшы яго вінаватым у забойстве дзвюх пенсіянерак. Забойства было здзейсненае 30 снежня 2018 гадоў у вёсцы Прысушына Віцебскага раёну. Пяцідзесяцігадовы Віктар Паўлаў прыйшоў у дом да сясцёр-пенсіянерак і моцна іх пабіў. Пры гэтым зламыснік скраў грошы і некалькі бутэлек віна. Целы жанчын былі выяўленыя толькі праз некалькі дзён.

Дзеянні Паўлава былі кваліфікаваныя пракурорам як «асабліва небяспечны рэцыдыў злачынства».

У сваю чаргу, адвакатка Паўлава пераконвала судовую калегію, што забойства адбылося ў выніку спрэчкі і было справакаванае адной з жанчын, якая нібыта абражала абвінавачанага, бо мела прэтэнзіі да якасці пабудаванага ім хлява. На думку абаронцы, мэты забіваць жанчын абвінавачаны ня меў – проста прыйшоў набыць віна, якім гандлявалі жанчыны.

https://belsat.eu/news/u-europe-asudzili-chargovy-smyarotny-prysud-u-belarusi/

У сваёй прамове адвакатка звярнула ўвагу на памякчальныя абставіны: яе падабаронны супрацоўнічаў са следствам, напісаў яўку з павіннай, раскаяўся. Абаронца прасіла суд даць мужчыне яшчэ адзін шанец на выпраўленне і не ўжываць да яго выключную меру пакарання.

МГ belsat.eu

Падпісвайся на telegram Белсату

Hавiны