Арыштаваных футбалістаў Какорына і Мамаева, якія збілі беларуса, вызвалілі з калоніі


Выязны суд у папраўчай калоніі № 4 Белгародскай вобласці Расеі прыняў рашэнне вызваліць умоўна-датэрмінова (УДВ) футбалістаў Аляксандра Какорына і Паўла Мамаева, асуджаных за бойку, паведамляе meduza.io.

Паводле адваката футбалістаў, кіраўніцтва калоніі падтрымала датэрміновае вызваленне Какорына і Мамаева. Акрамя таго, пацярпелы бок не пярэчыў супраць УДВ.

У Маскве п’яныя футбалісты збілі чыноўніка. Перад гэтым ад іх пацярпеў беларус

Футбалісты пакінуць калонію праз 10 дзён, калі рашэнне суда ўступіць у законную сілу. У чэрвені яны атрымалі амаль паўтары гады пазбаўлення волі, але паколькі да прысуду абодва знаходзіліся ў СІЗА з кастрычніка 2018 года, гэты час ім залічыўся з разліку дзень арышту за паўтара ў калоніі. У калоніі яны знаходзяцца з пачатку ліпеня.

Футбалістам Какорыну і Мамаеву, якія збілі беларуса, вынеслі прысуд

Форвард «Зяніта» Аляксандр Какорын і паўабаронца «Краснадару» Павел Мамаеў збілі чыноўніка расейскага Міністэрства прамысловасці і гандлю Дзяніса Пака. Інцыдэнт адбыўся 8 кастрычніка ў маскоўскай кавярні «Кофемания».

Акрамя таго ад спартоўцаў пацярпеў і беларус Віктар Салаўёў. Грамадзянін Беларусі працуе кіроўцам вядоўцы Першага каналу Вольгі Ушаковай. Перад тым, як яго зачапіла кампанія Какорына і Мамаева, ён чакаў сваю начальніцу ў службовым аўто.

Прэзідэнт «Зеніту» Сяргея Фурсенка: «яны думалі, што мы іх адмажам»

СК belsat.eu

Глядзі таксама
Каментары