У гэтыя дні, бадай, кожны выказвае сваю пазіцыю і салідарнасць, ад студэнтаў да медыкаў, ад навукоўцаў да адмыслоўцаў у IT. «Белсат» падрыхтаваў падбор відэаартаў беларускіх мастакоў, якія выказваюцца пра падзеі ў краіне ды выяўляюць салідарнасць і натхняюць, але на мове візуальнага мастацтва.
@kukar.motion
Менскі мастак Андрэй Кукар у сваім канцэптуальным відэа адзначыў пачатак у Беларусі новае рэпрэсіўнае мадэлі.
@kastus.suprac
Мастак, які працуе пераважна з графікай, стварыў відэа-арты пра змаганне сілавікоў з беларускім народам.
@iamtainia
Цікавае абыгрыванне нацыянальнай сімволікі ў кантэксце жаночых маршаў, якія апошнім часам праходзяць у Беларусі.
@t_tanya_ad
Простае патрабаванне «Сыходзь», якое няспынным гулам разыходзіцца па ўсёй прасторы краіны.
@martynas.auz
Сімпатычнае пераасэнсаванне гвалту сілавікоў над народам праз гумарыстычную абсурдызацыю.
@dukhovnoe_litso
Натхняльны мікс нацыянальнай сімволікі і ролі жаночых маршаў.
@minimalebalce
Гульня з сэнсавымі мадэлямі ў канцэпцыі мінімалізму адносна беларускага народа і «моцы ўлады».
@mishaksjushina
Серыя ролікаў, у якіх вельмі файна адбываецца візуальная гульня мастачкі з утрыраваннем сённяшняй беларускай рэчаіснасці.
@nsnva
Анімацыя, якая, нягледзячы на змрочную атмасферу, пакідае надзею.
Сабраў Кірыл Стаселька belsat.eu
