Улады Арменіі абвесцілі ў краіне ваеннае становішча і ўсеагульную мабілізацыю ў адказ на абвастрэнне сітуацыі ў Нагорным Карабаху, паведамляе Reuters.
Мінулай ноччу адбыліся сутыкненні паміж армянскімі і азербайджанскімі войскамі ў Нагорным Карабаху. Па меншай меры адзін азербайджанскі верталёт збіты, піша BBC.
Абодва бакі абвінавачваюць адзін аднаго ў абвастрэнні сітуацыі.
Мінабароны Азербайджана заявіла 27 верасня, што Арменія абстраляла шэраг населеных пунктаў, а азербайджанская армія пачала поўнамаштабнае контрнаступленне для абароны мірнага насельніцтва.
Арменія заявіла, што першым атакаваў Азербайджан.
Прэмʼер-міністр Арменіі Нікол Пашынян заявіў, што Азербайджан у 8:00 раніцы па мясцовым часе пачаў паветраную і ракетную атакі.
Улады непрызнанага міжнароднай супольнасцю Нагорнага Карабаху заявілі, што была абстраляная сталіца рэспублікі горад Сцепанакерт.
AA belsat.eu