«Белсат» спытаў мінакоў Бабруйску, Гомля і Горадні, хто такі Ленін і што ён зрабіў. Адказы нас, шчыра кажучы, здзівілі. Уласна, глядзіце самі.
Журналісты «Белсату» спыталі ў беларускай моладзі, ці ведаюць яны, хто такі Уладзімір Ленін, і што менавіта зрабіў гэты чалавек.
– Вось тут стаіць помнік. Скажыце, каму гэты помнік, што вы ведаеце пра гэтага чалавека? – пытаемся ў мінакоў у Бабруйску.
– Гэта помнік Леніну. Ну, я дакладна не ведаю, як яго завуць.
– Васілій Ільіч Ленін. У свой час ён выступаў супраць манархіі. Ён звяргаў уладу цароў.
– Каму стаіць гэты помнік, ведаеце? – пытаем у маладзёнаў у Гомлі.
– Так, ведаем, Францыску Скарыну.
– Леніну. А за што ён яму пастаўлены? Не ведаю, натхняў людзей на нейкія подзвігі.
– На якія?
– Напэўна, не на вельмі добрыя.
– Хто такі Ленін і што ён зрабіў? – запыталі мы і ў моладзі ў Горадні.
– Гэта Ленін. Ён учыніў рэвалюцыю.
– Гэта Ленін
– Чым ён знакаміты?
– Не ведаю, штосьці зрабіў. Усё. Можна я пайду?
– Ён вельмі шмат зрабіў для нашага гораду, для СССР.
– А што ён рабіў для Беларусі і для нашага гораду?
– Ой…
– Што зрабіў Ленін?
– Не ведаю, я з ім не знаёмая.
– Спытайце ў мяне што-небудзь па хіміі, біялогіі. Гісторыя – гэта не маё.
– Я думаю, што ў хуткім часе ўсе даведаюцца, для чаго ён стаіць і вось гэтае вось.