Лідары беларускіх апазіцыйных партыяў звярнуліся з лістом да дзяржаўнага сакратара ЗША Майка Пампэа, які 1 лютага мае наведаць Менск і сустрэцца з кіраўніцтвам Беларусі. Пра гэта паведамляе ў Facebook Аб’яднаная грамадзянская партыя.
В обращении к Помпео политики напомнили о честных выборах, Будапештском Меморандуме и …Лидеры политических партий…
Opublikowany przez Объединенная Гражданская Партия – ОГП Czwartek, 30 stycznia 2020
У сваім звароце да дзяржсакратара ЗША апазіцыйныя палітыкі звярнулі ўвагу на важнасць сумленных выбараў і заклікалі яго памятаць пра абавязкі Вашынгтона паводле Будапэшцкага Мемарандуму.
«Сёння на парадку дня – пытанні бяспекі, сумленных выбараў, спынення рэпрэсіяў. Пра гэта і ідзе гаворка ў звароце да кіраўніка вонкавапалітычнага ведамства ЗША. Мы нагадалі і аб Будапэшцкім Мемарандуме, і пра міжнародныя абавязкі Беларусі ў пытанні правядзення сумленных, свабодных выбараў. Не забыліся і пытанне кропкавых санкцыяў у дачыненні да тых беларускіх чыноўнікаў, якія спецыялізуюцца на ліквідацыі палітычных апанентаў і якія крадуць галасы выбарнікаў», – заявіў старшыня АГП Мікалай Казлоў.
Апроч яго, зварот падпісалі кіраўнікі Беларускай партыі «Зялёныя» Дзмітрый Кучук, БСДП Ігар Барысаў, Руху «За свабоду!» Юрась Губарэвіч, БХД Павел Севярынец і намеснік старшыні ПБНФ Аляксей Янукевіч.
31 студзеня Майк Пампэа праводзіць сустрэчы ва Украіне. 1 лютага Майк Пампэа наведае Менск, дзе сустрэнецца з Аляксандрам Лукашэнкам і Уладзімірам Макеем, пасля чаго скіруецца ў Казахстан.
МГ belsat.eu