Антон Матолька патрабуе пракурорскую праверку адносна рэканструкцыі Камсамольскай вуліцы


Вуліца Камсамольская. Фота - facebook.com/AntonMotolko/posts/10156285711391308

Блогер Антон Матолька выклаў у інтэрнэце петыцыю наконт мэтазгоднасці траты бюджэтных сродкаў на рэканструкцыю вуліцы Камсамольскай у цэнтры Менску.

У петыцыі звяртаецца ўвага на шэраг недарэчнасцяў у плане рэканструкцыі – яны тычацца куплі гранітных кветачніцаў (толькі на іх выдаткоўваецца каля USD 100 тыс), ліхтарных слупоў і маленькіх слупкоў, дадатковага азелянення і г.д. «Ці няма тут растраты бюджэтных сродкаў?» – пытаецца аўтар дакументу.

Петыцыя будзе накіраваная ў пракуратуру, КДК і Менгарвыканкам.

«А Менгарвыканкам просім даць тлумачэнні, з якой прычыны не было праведзена ні грамадскіх абмеркаванняў, ні збору прапановаў ад жыхароў гораду па пытанні рэканструкцыі вуліц, а гэтак жа на якой падставе нідзе не публікуецца праектная дакументацыя дадзенага аб’екта?», – адзначаецца ў петыцыі.

5 вопросов по теме реконструкции Комсомольской.Вопрос номер один – когда я вчера это увидел – меня бомбило весь…

Publiée par Anton Motolko sur lundi 14 mai 2018

На дадзены момант петыцыю ўжо падпісалі больш за 400 чалавек.

ІІ, belsat.eu

Глядзі таксама
Каментары