Міжнародная праваабарончая арганізацыя Amnesty International выступіла з адмысловай заявай з нагоды масавых затрыманняў у Беларусі 14 ліпеня.
Старэйшы кіраўнік кампаній Amnesty International па Беларусі Аіша Джанк заявіла, што людзі, якія сабраліся, каб асудзіць неўключэнне апазіцыйных палітыкаў у спіс кандыдатаў у прэзідэнты, «мелі поўнае права выйсці на вуліцы».
«Учора міліцыя імкнулася разагнаць мірныя сходы, звяртаючыся да празмернага і непатрэбнага ўжывання сілы, у шматлікіх выпадках былі задзейнічаны працаўнікі міліцыі ў цывільным. Гэта выклікала бурную рэакцыю з боку некаторых пратэстоўцаў, якія спрабавалі перадухіліць арышты і збіванні іншых, што таксама ўзмацніла напружанасць. Аднак, па словах відавочцаў і згодна з шырока даступным відэазапісамі, мітынгі заставаліся ў асноўным мірнымі, і многія з арыштаваных былі мірнымі пратэстоўцамі», – патлумачыла Джанг.
Праваабаронца заклікала беларускія ўлады «паважаць правы чалавека» і не пераследаваць людзей, якія адстойваюць свае правы і палітычны выбар.
«Любы, хто затрыманы проста за мірныя пратэсты ў Менску або іншых гарадах, з’яўляецца вязнем сумлення і павінен быць неадкладна і безумоўна вызвалены», – склала яна.
ІІ belsat.eu