Замежнікам, якія прыедуць у Беларусь на Еўрапейскія гульні, дазволяць ужываць марыхуану і амфетамін у выглядзе лекаў. Пра гэта паведаміў рух «Legalize Belarus» у «Facebook’у». Але ці праўда гэта?
Прадстаўнікі арганізацыі накіравалі звароты ў розныя ведамствы (спасылкі на адказы ТУТ), у якіх парасілі дазволіць замежным гасцям выкарыстоўваць кантраляваныя рэчывы падчас правядзення Еўрапейскіх гульняў.
У адказе ад Дзяржаўнага памежнага камітэту гаворыцца, што ў Беларусь нібыта «можна прывозіць наркотыкі у тым ліку амфетамін, марыхуану, але толькі ў выглядзе лекавых сродкаў», спасылаецца «Legalize Belarus» на адказ памежнікаў.
Але на самой справе сітуацыя выглядае інакш. А прэс-рэліз грамадскай кампаніі ўтрымлівае некалькі недакладнасцяў.
Правілы ўвозу наркотыкаў прадугледжваюць атрыманне адпаведнай ліцэнзіі на імпарт або экспарт наркатычных рэчываў, якія не ўваходзяць у спіс забароненых. Увоз марыхуаны магчымы, але з дазволу шэрагу ведамстваў і толькі ў навуковых мэтах.
Дарэчы, ў адказе Міністэрства аховы грамадскай кампаніі, адзначаецца, што амфетамін і марыхуана з’яўляюцца забароненымі рэчывамі, якія не выкарыстоўваюцца ў медыцынскіх мэтах (гл. урывак адказу Мінздароўя). Прынамсі ў Беларусі.
ЮВ belsat.eu