Прафесійная спеўная сям’я Казакоў з ЗША ў складзе заслужанай артысткі Беларусі Валянціны Пархоменка, яе мужа Алеся Казака і дачкі Вольгі Казак прадставіла прэмʼеру новага музычнага кліпу «Крыніца».
Словы песні напісала Валянціна Пархоменка, пра яе жыццё, пра тую неверагодную Крыніцу, якая дала ёй жыццё і натхненне. Музыку да песні напісала яе дачка Вольга Казак, якая таксама выканала песню.
«Гэта першая аўтарская супраца для маці і дачкі, але, спадзяемся, не апошняя. Кліп паказвае тры пакаленні дзяўчат і жанчын нашай сям’і, якія працягваюцца ў музыцы», – расказала Вольга Казак карэспандэнту belsat.eu.
Выканаўцы называюць місіяй выступленняў свайго ансамблю ў розных краінах – садзейнічанне культурнаму ўзаемаразуменню праз мастацтва.
МГ belsat.eu