Амбасадар Беларусі ў РФ: Саюзную дамову мы павінны поўнасцю выканаць

Амбасадар Беларусі ў РФ Уладзімер Сямашка падчас онлайн-канферэнцыі, якая была прысвечана стасункам Беларусі і Расеі.

Фрагмент выступу Сямашкі выклаў у інтэрнэт Politnavigator.

«Я павінен нагадаць, што прэзідэнты нашых краінаў яшчэ ў канцы 2018 году ў Крамлі дамовіліся, што без усялякіх сумневаў быць Саюзнай дзяржаве Расеі і Беларусі. І не проста быць, а развівацца мусіць. Таму прынялі прынцыповае рашэнне, што тая дамова, якая была падпісана яшчэ 8 снежня 1999 года – гэта нармальная дамова і мы яе павінны поўнасцю выканаць.

Нават тыя глабальныя задачы, якія стаяць перад намі: аж да таго, што адзінае падатковае заканадаўства, адзіны мытны кодэкс, адзіная, у рэшце рэшт, магчыма, валюта, з адзіным эмісійным цэнтрам. Пры ўмове, што хоць мы і розныя паводле памеру краіны, мы павінны аднолькава кіраваць», – заявіў Сямашка.

Амбасадар нагадаў, што тады, у канцы 2018 года, была створана беларуска-расейская працоўная група, якая распрацавала 31 «дарожную мапу». Паводле Сямашкі, 28,5 з іх была ўзгодненыя. Пытанні заставаліся толькі па нафце і газу.

https://belsat.eu/news/muhi-asobna-dosved-sssr-i-90-aya-guberniya-top-6-pytannyau-i-adkazau-pra-sayuznuyu-dzyarzhavu/

  • Перамовы пра паглыбленне інтэграцыі Беларусі і РФ распачаліся ў канцы 2018 года. 6 верасня 2019 года, прэм’еры дзвюх краінаў Сяргей Румас і Дзмітрый Мядзведзеў узгаднілі праект праграмы дзеянняў па паглыбленні інтэграцыі і спіс дарожных мапаў. З верасня па снежань урады ўзгаднялі канкрэтныя дарожныя мапы, каб перадаць іх на подпіс кіраўнікам дзяржавы. Чакалася, што 8 снежня адбудзецца паседжанне Найвышэйшага Дзяржаўнага Савету Саюзнай дзяржавы, дзе Аляксандр Лукашэнка і Уладзімір Пуцін падпішуць новую інтэграцыйную праграму, якая ўключае ў сябе 31 дарожную мапу. Аднак падпісанне інтэграцыйных дакументаў так і не адбылося.
  • У красавіку 2020 года Уладзімір Сямашка ў інтэрвʼю «Российской газете» заявіў, што цяпер ствараюцца перадумовы для новага разгляду падрыхтаваных раней дакументаў па паглыбленню беларуска-расейскай інтэграцыі.

Абвальнае падзенне: колькасць прыхільнікаў саюзу з Расеяй знізілася на траціну

ІІ belsat.eu

Hавiны