На правядзенне парламенцкіх выбараў вылучаць больш за Br 22 млн. З іх больш за Br 17 млн пойдуць на заробкі сябраў выбарчых камісіяў. Пра гэта на форуме арганізацыі «Белая Русь» расказала кіраўніца ЦВК Лідзія Ярмошына.
Як паведамляюць «Минск-Новости», сябра выбарчай камісіі за працу ў дзень выбараў атрымае на рукі 76 рублёў.
Чысты заробак старшыняў участковых камісіяў за 30 дзён працы складзе Br 880 рублёў.
А старшыня акруговай выбарчай камісіі за 60 дзён працы атрымае каля 1770 рублёў чыстымі.
Раней Лідзія Ярмошына заяўляла, што абраць дэпутата беларусам абыходзіцца танней, чымся палякам, украінцам і расейцам.
МГ belsat.eu