Прэмію «За свабоду думкі» імя Андрэя Сахарава ў 2018 годзе атрымаў украінскі рэжысёр Алег Сянцоў, паведамляе агенцтва «Associated Press».
Такое рашэнне прынялі 25 кастрычніка на пасяджэнні Еўрапарламенту ў Страсбургу.
Прэмія імя Сахарава прысуджаецца асобам і арганізацыям за заслугі ў праваабарончай дзейнасці. Кандыдатуру Сянцова вылучыдла «Еўрапейска народная партыя».
Цырымонія ўручэння ўзнагароды адбудзецца 12 снежня.
14 траўня 2018 года рэжысёр абвясціў бестэрміновую галадоўку, патрабуючы вызвалення ўсіх украінскіх палітвязняў з расейскіх турмаў. Сянцоў галадаў 145 дзён. Рэжысёр утрымліваецца ў расейскай турме за «рыхтаванне тэрактаў» у Крыме.
У жніўні 2015 года Алег Сянцоў быў асуджаны на 20 гадоў у калоніі строгага рэжыму за нібыта арганізацыю тэрарыстычнай супольнасці. Рэжысёр не прызнаў сваёй віны. Сянцоў сцвярджае, што пасля арышту яго збівалі і катавалі працаўнікі ФСБ, дамагаючыся прызнання віны.
ЮВ, belsat.eu