Аляксандр Лукашэнка 14 траўня прывёў да прысягі суддзю Канстытуцыйнага суда Беларусі Алу Бодак. Яна ўзяла на сябе абавязак шчыра, добрасумленна і справядліва абараняць канстытуцыйны лад і вяршэнства Канстытуцыі краіны.
Кіраўнік дзяржавы пажадаў прафесійных поспехаў Але Бодак, адзначыўшы, што «не кожнаму даецца такое права і такая магчымасць – быць членам самага вышэйшага суда ў нашай краіне». Ён пазітыўна ацаніў вялікі досвед працы Алы Бодак, паведамілі ў Адміністрацыі кіраўніка Беларусі.
Лукашэнка адзначыў, што менавіта ад юрыстаў Канстытуцыйнага суда чакае канкрэтных прапаноў па ўдасканаленні Канстытуцыі.
«Краіна ад вас чакае добрых прапаноў па ўдасканаленні нашай Канстытуцыі і ўсяго масіву нашага заканадаўства », – сказаў ён.
Ала Бодак нарадзілася ў 1967 годзе ва Украіне. Скончыла Беларускі дзяржаўны ўніверсітэт. Кандытатка юрыдычных навук. Працавала ў Міністэрстве юстыцыі, у тым ліку была намесніцай міністра. У 2016 годзе была выбраная ў Савет Рэспублікі ад Менску, узначальвала Камісію па заканадаўстве і дзяржаўным будаўніцтве.
Увесну 2011 году яна трапіла ў санкцыйны спіс у сувязі з масавымі судамі пасля прэзідэнцкіх выбараў 2010 году і акцыяў пратэсту.
МГ belsat.eu
