Актывіста «Народнай Грамады» Сяргея Спарыша прызналі вінаватым у «непадпарадкаванні патрабаванням працаўнікоў міліцыі» (артыкул 23.4 КаАП). Пра гэта паведаміў у «Facebook» Мікалай Статкевіч.
Сяргея Спарыша затрымалі 18 кастрычніка перад пачаткам судовага паседжання па справе актывіста анархісцкага руху Дзмітрыя Паліенкі. Ахова адмовілася пускаць яго ў судовую залу. Яго скруцілі і вывелі на падставе таго, што суддзя забараніў яму знаходзіцца на судзе. Пры затрыманні прысутнічаў камандзір менскага АМАПу Дзмітрый Балаба, піша spring96.org.
«Стала вядома, што ён асуджаны да 15 сутак арышту па артыкулу »за непадпарадкаванне« міліцыі. Як напісана ў судовым рашэнні – »махаў рукамі«. Сёння высветлілася, што »суд« адбыўся яшчэ ў мінулую пятніцу, але блізкім Сяргея атрымалася вырваць з »праваахоўнікаў« інфармацыю пра гэта толькі на чацвёртыя суткі пасля затрымання», – піша Статкевіч.
ЛУКАШЭНКА ПАКРЫЎДЗІЎСЯ Перад судовым працэсам над Дзмітрыем Паліенкам 18 кастрычніка быў затрыманы актывіст Народнай…
Opublikowany przez Мікола Статкевіч Poniedziałek, 21 października 2019
Статкевіч мяркуе, што арышт Спарыша звязаны з яго актыўным удзелам у парламенцкай кампаніі – ён зарэгістраваў ініцыятыўную групу і збіраў подпісы, але кандыдатам у дэпутаты не стаў.
ІІ belsat.eu