На плошчы Незалежнасці ў цэнтры Менску грамадскае абʼяднанне «Малады фронт» правяло акцыю, прысвечаную 26-й гадавіне прыняцця Дэкларацыі аб суверэнітэце Беларусі.
Каля 30 чалавек сабраліся каля гасцініцы «Менск». Большасць з іх трымала бел-чырвона-белыя сцягі і раздавала мінакам бел-чырвона-белыя стужачкі.
Сярод тых, хто сабраўся – Зміцер Дашкевіч з маленькай дачкою, актывіст моладзевай арганізацыі «Zмена» Павел Вінаградаў, грамадскія актывісты Вольга Нікалайчык, Максім Вінярскі.
Некаторыя прысутныя раздавалі нацыянальную сімволіку літоўскім турыстам, якія выходзілі з гасцініцы. Гэта спрабавалі спыніць работнікі гатэлю.[/vc_column_text][vc_single_image image=”259467″ img_size=”large”][vc_column_text]Актывісты ўзнялі бел-чырвона-белыя сцягі ў гонар гадавіны прыняцця Дэкларацыі аб суверэнітэце Беларусі[/vc_column_text][vc_single_image image=”259447″ img_size=”large”][vc_column_text]Актывісты размясціліся ўздоўж праспекту Незалежнасці
[/vc_column_text][vc_single_image image=”259443″ img_size=”large”][vc_column_text]Самыя малыя былі таксама з нацыянальнай сімволікай
[/vc_column_text][vc_single_image image=”259479″ img_size=”large”][vc_column_text]Бел-чырвона-белая сімволіка гарманічна выглядае ў сталіцы Беларусі
[/vc_column_text][vc_single_image image=”259459″ img_size=”large”][vc_column_text]Актывісты раздавалі мінакам бел-чырвона-белыя стужкі
[/vc_column_text][vc_single_image image=”259455″ img_size=”large”][vc_column_text]Узняць бел-чырвона-белы сцяг – у сённяшняй Беларусі гэта злачынства
[/vc_column_text][vc_single_image image=”259495″ img_size=”large”][vc_column_text]Складанне пратаколаў за тое, што людзі згадалі пра незалежнасць
[/vc_column_text][vc_column_text]Увесь фотарэпартаж
[/vc_column_text][vc_column_text]Акцыя пачалася а 8:30. Аднак яшчэ да гэтага, як толькі ўдзельнікі сталі збірацца, міліцыянты ў форме пачалі складаць у дачыненні да іх пратаколы аб адміністратыўным правапарушэнні. У адказ прадстаўнікі «Маладога фронту» заявілі, што не разумеюць расейскай мовы і папрасілі звяртацца да іх па-беларуску.
Праз 20 хвілін пасля пачатку акцыі на плошчу прыехала палівальная машына, кіроўца якой пачаў з шланга паліваць кветкі, якія віселі ў вазонах на ліхтарах уздоўж праспекта, перыядычна абліваючы вадой актывістаў. Гэта працягвалася каля 10 хвілін.
За акцыяй назіралі шматлікія працаўнікі праваахоўных органаў у цывільным на чале з намеснікам начальніка міліцыі грамадскай бяспекі ГУУС Менгарвыканкаму Максімам Грышчанкам. На пачатку акцыі на плошчы быў і начальнік ГУУС Аляксандр Барсукоў.
27-га ліпеня 1990 года Вярхоўны Савет БССР прыняў Дэкларацыі аб дзяржаўным суверэнітэце Беларусі. Гэты дзень да 1996 года адзначаўся ў Беларусі як афіцыйны Дзень незалежнасці.
У межах святкавання неафіцыйнага Дня незалежнасці Беларусі ў другой палове дня каля Дзяржфілармоніі ў Менску прайшоў пікет, які арганізавала партыя БНФ.
МЯ, паводле naviny.by