14 чалавек патрабавалі зменаў у артыкуле 328 на плошчы Незалежнасці.
«Мы ідзем да Дому ўраду, дзе збіраецца парламент, які разглядае законапраекты. Нам патрэбна данесці нашую пазіцыю. У Беларусі ёсць людзі, якія сядзяць па восем гадоў, іхныя жыцці зламаныя», – кажа адзін з арганізатараў акцыі Пятро Маркелаў.
Моладзевыя актывісты трымалі ў рукох шыльды з вялікімі літарамі, якія склаліся ў словы «дэкрыміналізацыя». Праз хвіліну на плошчы з’явіліся міліцыянты, актывісты спынілі акцыю і пакінулі плошчу.
За акцыяй назіралі праваабаронцы з праваабарончага цэнтру «Вясна».
Зменаў у заканадаўстве патрабуюць таксама жанчыны з руху «Маці-328», які аб’ядноўвае сваякоў тых, хто трапіў за краты паводле арт. 328 Крымінальнага кодэксу. Актывісткі кажуць, у красавіку распачнуць бестэрміновую галадоўку на знак пратэсту.
ДД
