Ігар Марзалюк атрымаў афіцыйнае папярэджанне ад акруговай выбарчай камісіі па Магілёўскай-Ленінскай акрузе №84. Падставай для гэтага стала тое, што кандыдат распаўсюджваў улёткі без выходных дадзеных, паведамляе mspring.online.
Скаргу на Ігара Марзалюка ў камісію склаў іншы кандыдат па гэтай акрузе Аляксандр Паўлаў. Палітык адзначыў, што дзейсны дэпутат падчас сустрэчы з выбарнікамі выкарыстаў стэнд з улёткамі і фота без выходных дадзеных.
Спачатку ў камісіі прагучала, што насамрэч Марзалюк з’яўляецца публічнай асобай, таму яго фоты можна пабачыць даволі часта. Але з гэтым пагадзіліся не ўсе.
«Ігар Марзалюк абіраецца другі раз. Ён выдатна разумее, што і як ён робіць», – заўважыла намеснік старшыні выбаркаму.
У выніку выбарчая камісія вынесла кандыдату Ігару Марзалюку афіцыйнае папярэджанне.
За два папярэджанні кандыдата пазбаўляюць рэгістрацыі і здымаюць з выбараў.
Цягам агітацыйнай кампаніі з выбараў камісіі знялі шэраг незалежных кандыдатаў. Найбольш знялі актывістаў «Еўрапейскай Беларусі».
СК belsat.eu