Дажынкі-2017 Менскай вобласці прайшлі ў Смалявічах. Наш фотакарэспандэнт адправіўся туды ў пошуках кічу, застаўшы на месцы ўтульную імпрэзу.
Сёлета сталіцай Дажынак Меншчыны сталі Смалявічы. Горад загадзя падрыхтавалі да імпрэзы: на цэнтральных вуліцах распачалі кардынальную перабудову – нешта ўжо збудавалі або перабудавалі, нешта – проста пафарбавалі, а нешта – не. У вачах жыхароў горад, аднак, горад змяніўся ў лепшы бок.
Свята сёлета на Меншчыне мела больш спакойны характар, і было не такім маштабным як раней.
На фэсце расставіліся і някепска прэзентавалі сябе традыцыйныя рамесніцкія пункты продажу. Традыцыйна на плошчы каля помніка Леніну прайшоў канцэрт і ўзнагароджанне працаўнікоў сельскай гаспадаркі.
Госці імпрэзы пачуваліся значна больш свабодна: у адрозненні ад рэспубліканскіх Дажынак, тут было значна менш аховы.
Шмат людзей прыехала на свята не толькі павесяліцца, але і затаварыцца на зіму агароднінаю і садавіною, а таксама іншымі харчамі на зіму, або прыдбаць сувеніры ды іншыя тавары.
Кошты на харчы падчас свята знізілі. Некаторыя прадпрыемствы ладзілі бясплатныя дэгустацыі, што стварала чаргі ахвотных.
Большасць удзельнікаў і гасцей імпрэзы раз’ехаліся пасля 3-й – застацца працягнуць свята з алкаголем засталося няшмат гасцей.
У Смалявічах абралі наступнага гаспадара абласных Дажынак Меншчыны – ім стаў Мядзел. Летась Дажынкі прайшлі ў Лагойску
Тэкст і фота – Вячаслаў Радзіміч
