Агнешка Рамашэўская-Гузы аб пратэстах: Гэтым падаткам людзей прыціснулі да сцяны
Дырэктарка «Белсату» пракаментавала ў эфіры польскага дзяржаўнага каналу TVP пратэставыя настроі ў Беларусі.
«У кожнай краіны свая спецыфіка, у Беларусі сярод разнастайных гульняў прабіваецца такая рэч, як народная воля і нецярплівасць. Людзі выйшлі на вуліцу ў розных месцах, даволі нетыповых… Людзі ў Беларусі ведаюць, што іх абкрадаюць. Яны вырашылі выйсці на вуліцы… У Беларусі падобная сітуацыя (з Расеяй – заўвага belsat.eu), там значнае пагаршэнне эканамічнай сітуацыі, што звязана з пагаршэннем эканамічнай сітуацыі ў Расеі і з той касмічнай сістэмай гаспадаркі, якую ўвёў Лукашэнка.
Гэтай сістэме ўжо 23 гады, і людзі вельмі стаміліся, тым больш кошты там вельмі падобныя да польскіх, а заробкі ў малых мястэчках людзі не больш чым 400, 600, 800 злотых. Павялічваецца колькасць рэчаў, за якія даводзіцца плаціць. Калісьці гэта была сацыяльная дзяржава, цяпер у значна меншай ступені. Людзей прыціснулі да сцяны гэтым падаткам на беспрацоўе. Беспрацоўе расце ў малых гарадах, а яны ўводзяць падатак».
За мірны пратэст на Дзень Волі содні прысудзілі 53 асобам.На содні пасадзілі аператара «Белсату» Аляксандра Баразенку. Ён абвясціў галадоўку. Агулам ціск сілавікоў на журналістаў бʼе рэкорды.
