Былы кіраўнік Парку высокіх тэхналогіяў Валер Цапкала не збіраецца сыходзіць з прэзідэнцкай кампаніі незалежна ад рашэння ЦВК аб рэгістрацыі. Пра гэта ён заявіў падчас размовы ў сваім YouTube-канале.
«Адступаць мы не збіраемся, мы будзем рухацца ў гэтай кампаніі незалежна ад рашэння Цэнтрвыбаркаму», – заявіў прэтэндэнт на пасаду прэзідэнта.
Спробы зняць яго з прэзідэнцкай кампаніі, палітык патлумачыў бояззю ўлады сваіх найбольш рэйтынгавых канкурэнтаў – Сяргея Ціханоўскага, Віктара Бабарыкі і яго.
Зараз ягоная каманда спрабуе абараніць галасы выбарнікаў. Тым не менш, у выпадку адмовы ў рэгістрацыі «ёсць іншыя сцэнары развіцця падзеяў», дадаў Цапкала.
ЦВК не залічыў у некаторых альтэрнатыўных кандыдатаў (Віктара Бабарыкі і Валерыя Цапкалы) больш за палову здадзеных подпісаў.
У сеціве разгарнуўся флэш-моб #пропалаподпись. Беларусы фатаграфуюцца са сваймі не залічанымі ЦВК подпісамі і, часам, іранічна абвяшчаюць іх росшук.
МГ belsat.eu