9 красавіка перастануць грэць таксама ў інтэрнатах, гасцініцах, вышэйшых, сярэдніх спецыяльных і прафесійна-тэхнічных навучальных установах.
Пра гэта агенцтву «Менск-навіны» паведаміў Дзмітрый Плашкоў, намеснік начальніка ўпраўлення гарадской гаспадаркі і энергетыкі Менгарвыканкаму.
Гэткае рашэнне сталічныя чыноўнікі прынялі яшчэ 6 красавіка, зыходзячы з фактычных умоваў надвор’я і спрыяльнага прагнозу надворʼя.
У шпіталях, школах, дзіцячых садках, сацыяльных установах, бібліятэках, музеях, архівах цяпло адключаць 10 красавіка. У адміністрацыйных будынках, на прадпрыемствах Менску ацяпленне пачалі адключаць яшчэ 5 красавіка.
9 красавіка ў Менску прагназуецца ад + 19 да + 21.
ДР belsat.eu