14 лістапада адзначаецца адзначаецца Сусветны дзень барацьбы з цукровым дыябетам. Шмат хто лічыць гэтае захворванне прысудам. Але гэта не так. Belsat.eu сабраў некалькі доказаў таго, што з цукровым дыябетам можна жыць паўнавартасным жыццём.
Некалькі гадоў таму вядомы галівудскі актор Том Хэнкс распавёў, што ўжо даўно хварэе на цукровы дыябет. Актор мяркуе, што ён захварэў праз неабходнасць хутка набіраць і скідваць вагу, каб зняцца ў такіх стужках як «Філадэльфія» і «Ізгой».
Сярод зорак з цукровым дыябетам ёсць і эталон сексуальнасці Шэран Стоўн. Акторка пакутуе на цукровы дыябет І тыпа. Яна ўжо не першы год вядзе здаровы лад жыцця і займаецца спортам – у асноўным пілатэс і стрэчынг.
Французскі актор Жан Рэно, якога большасць ведае па ролі ў фільме «Леон», таксама дыябетык. У адным з інтэрв’ю ён прызнаўся, што падтрымліваць сябе ў форме дапамагае фізкультура і «умеркаваная колькасць лекаў».
Культавы Сільвестар Сталонэ, як і Шэран Стоўн дыябетык І тыпу. Яму ўжо 73 гады, але актор усё ніяк не супакоіцца і працягвае здымацца ў кіно. Сёлета ў верасні на вялікія экраны выйшла стужка «Рэмба: апошняя кроў» са Сталонэ ў галоўнай ролі.
У 2012 медыі даведаліся, што на цукровы дыябет пакутуе і галівудская зорка Алек Болдўін. Тады журналісты звярнулі ўвагу, што актор рэзка схуднеў. Высветлілася, што Болдўін сеў на жорсткую дыету праз дыябет. У 2019 годзе Болдўін зняўся ў трох мастацкіх фільмах і агучыў адзін мультфільм для дзяцей.
ЮВ belsat.eu