Памёр майстар спорту Беларусі ў паўэрліфтынгу, рэкардсмен краіны ў жыме лежачы, суддзя I катэгорыі Сяргей Кузняцоў. Яму было 39 гадоў.
«Добрага чалавека павінна быць шмат. І яго было шмат – так шмат, што хапала на ўсё – і 250 кг паціснуць, і сям’ю пацягнуць, і з сябрамі прысесці. У гэтым няма каламбуру. У паўэрліфтынгу (а менавіта там і ціснуць, і цягнуць, і прысядаюць) Сяргей быў канкурэнтаздольны ва ўсім – у экіпіроўцы і класіцы, у трохборʼі і асобных рухах. Ён паднімаў так шмат і так магутна, што да яго прымацавалася званне «берасцейскага зубра». І чым мацнейшым ён быў, тым больш нечаканым быў ягоным сыход. З тэлевізара кажуць, што каронавірус – гэта хвароба старых, на справе ён забраў чэмпіёна ў самым росквіце сілаў», – паведамляе ва «Укантакце» старонка «Пауэрлифтинг в Беларуси».
Паплечнікі ўпэўненыя, што ў гонар памерлага Сяргея Кузняцова ў будучыні назавуць турнір.
МГ belsat.eu
