У інтэрнэце апублікаваныя скрыншоты перапіскі Дзмітрыя Алімкін ды Юрыя Паўлаўца з замоўцамі беларусафобскіх артыкулаў.
Крымінальныя справы за распальванне міжнацыянальнай варожасці, распачатыя ў дачыненні да грамадзянаў Беларусі Юрыя Паўлаўца і Дзмітрыя Алімкіна, могуць абʼяднаць, ім будзе пагражаць ад 5 да 12 гадоў пазбаўлення волі.
Сайт alternativaby.net, які змяціў фота, спасылаецца на ўласныя крыніцы гэтых скрыншотаў.
Падставаю для распачынання крымінальных справаў паслужылі звароты з Міністэрства інфармацыі аб праведзеных Рэспубліканскай экспертнай камісіяй па ацэнцы інфармацыйнай прадукцыі на прадмет наяўнасці (адсутнасці) у ёй прыкметаў праяўлення экстрэмізму экспертызах у дачыненні да аўтараў артыкулаў, апублікаваных на інфармацыйных рэсурсах «Регнум», «Лента.ру», «ЕАДэйли», Мікалая Радава, Паўла Юрынцава і Алы Бронь.
«Было ўстаноўлена, што гэтыя асобы паводле ўказання шэф-рэдактара ІА Регнум Юрыя Баранчыка, грамадзяніна Беларусі, які жыве ў Маскве, рыхтавалі публікацыі за грашовыя ўзнагароджанні.
У сувязі з тым, што Паўлавец і Алімкін дзейнічалі групай асоб паводле адзінай задумы, у цяперашні час следствам разглядаецца пытанне аб злучэнні крымінальных спраў у адну вытворчасць на падставе ч. 3 арт. 130 КК, санкцыя якой прадугледжвае пазбаўленне волі на тэрмін ад 5 да 12 гадоў.
Падчас праведзеных вобушукаў атрыманыя звесткі пра дачыненне названых асоб да супрацьпраўнай дзейнасці і атрыманне імі грашовых узнагароджанняў, у тым ліку праз пераводы Western Union з тэрыторыі Расеі, за падрыхтоўку замоўленых публікацый », – заявіў 8 снежня ў вячэрнім выпуску навін на тэлеканале ОНТ начальнік аддзелу інфармацыі і сувязі з грамадскасцю Следчага камітэту Сяргей Кабаковіч.
Падазроных затрымалі і заключылі пад варту.
МЛ, belsat.eu