Непрызнаная дзяржава спросціць візавы рэжым для Беларусі.
Візавы рэжым для нашай краіны Абхазія ўвяла з пачатку сёлетняга красавіка. Неабходнасць атрымання візаў была ўведзеная для грамадзянаў «замежных дзяржаваў, з якімі ў Абхазіі не падпісаныя міжурадавыя пагадненні аб узаемных бязвізавых паездках».
Хутка пачнуць новыя правілы ўезду ў непрызнаную дзяржаву, як вынікае з заявы першага намесніка адміністрацыі прэзідэнта Абхазіі Дзмітрыя Шамбы.
Глядзіце яшчэ >>> «Развіццё турызму»: Аграсядзібы прымушаюць паведамляць пра замежных гасцей цягам 3 гадзінаў
«З улікам атрыманых прапановаў, адміністрацыяй распрацаваны праект указа, які прадугледжвае ўсталяванне бязвізавага рэжыму для наступных катэгорыяў замежных грамадзянаў: замежных грамадзянаў-экскурсантаў, якія ўязджаюць у Абхазію ў складзе арганізаванай экскурсійнай групы на тэрмін не больш за содні, грамадзянаў Беларусі і Казахстану, якія ўязджаюць у Абхазію ў турыстычных мэтах на тэрмін не больш за два тыдні», – адзначыў Дзмітрый Шамба.
Чальцы адміністрацыі кіраўніка Абхазіі адобрылі праект указа.
Без візаў уязджаць у Абхазію могуць грамадзяне Расеі, Нікарагуа, Тувалу, непрызнанай Прыднястроўскай рэспублікі і Паўднёвай Асеціі.
НМ, belsat.eu, паводле РИА «Новости»
