Пікет у Кіеўскім скверы: тысячы людзей, Калеснікаву не пусцілі, Ціханоўскай ахоўнікі параілі не ісці

Напярэдадні пікету прадстаўніцы аб’яднанага штабу распавялі, што афіцыйна атрымалі адмову ад гарадскіх уладаў на правядзенне акцыі ў парку Дружбы народаў. Яны абвесцілі, што маюць намер наведаць акцыю гарадскіх уладаў у Кіеўскім скверы. Зварот Святланы Ціханоўскай, Марыі Калеснікавай і Веранікі Цапкалы распаўсюдзілі ў Telegram-канале «Пул первой».

Фота: Ірына Арахоўская / Belsat.eu

Падчас рэгістрацыі кандыдатаў на прэзідэнцтва Святлана Ціханоўская падала заяўкі на правядзенне агітацыйных пікетаў. На 6 жніўня быў запланаваны вялікі канцэрт у парку Дружбы народаў. Але за некалькі дзён да акцыі сталічныя ўлады заявілі, што ў гэты час у парку будзе іншае мерапрыемства, таму агітацыйны пікет забаранілі. Замест гэтага аб’яднаны штаб выказаў намер наведаць Кіеўскі сквер, дзе таксама адбывалася акцыя ўладаў, прысвечаная дадатковай адукацыі. Чытайце наш онлайн з мерапрыемстваў у парку Дружбы народаў і ў Кіеўскім скверы.

Фота: Аліса Ганчар / Belsat.eu

21:35 Пікет скончыўся, людзі разыходзяцца. Пакуль вядома толькі пра двух затрыманых. Паглядзіце, як было на пікеце ў самы пік.

21.15 Міліцыянты затрымалі дыджэяў, якія ўключылі «Перемен» у Кіеўскім скверы! Дзе яны зараз – невядома.

Фота: Аліса Ганчар / Belsat.eu
21.05 Людзі надалей застаюцца ў Кіеўскім скверы, многія ўключылі ліхтарыкі на мабільных тэлефонах. Аўтамабілісты падтрымліваюць людзей сігналамі.
Людзі ўключаюць ліхтарыкі на мабільных тэлефонах. Фота: Белсат
Людзі ўключаюць ліхтарыкі на мабільных тэлефонах. Фота: Белсат

21.00 У Кіеўскім скверы застаюцца некалькі сотняў чалавек. Людзі пляскаюць у далоні, скандуюць «Пераменаў!»

Фота даслалі чытачы Belsat.eu

20.43 Людзі з Кіеўскага скверу рушылі шэсцем па вуліцах Менску.

А 20:30 да Кіеўскага скверу пад’ехала Вераніка Цапкала. Яна прайшлася па вуліцы Кахоўская.

«У мяне двое дзяцей. Сёння дзень дадатковай адукацыі, мне было цікава паглядзець на гэтае свята», – кажа Вераніка Цапкала. Потым яна дайшла да аўто і зʼехала.

20.35 Святлана Ціханоўская літаральна 100 метраў не дайшла да Кіеўскага скверу. Яе ахоўнікі пераканалі яе вярнуцца.
Фота: Тэлеграм МКБ

20.27 Марыю Калеснікаву не пусцілі ў сквер. За ёй пайшлі людзі, праводзілі яе да аўтамабіля і скандавалі «Малайчына!», «Жыве Беларусь».

Калеснікава папрасіла людзей не парушаць закон.«Мы сёння не праводзім ніякіх мерапрыемстваў. Калі ласка, мірна разыдзіцеся. Дзякуй, усіх люблю», – сказала Калеснікава.

Марыя Калеснікава каля скверу. Фота: Аліса Ганчар / Belsat.eu

20.25 Тысячы людзей не змяшчаюцца ў скверы. Людзі скандуюць «Сыходзь!»

20.18 Марыя Калеснікава сыходзіць са скверу, людзі ідуць за ёй.

20.15 Марыю Калеснікаву не прапусцілі праз КПП. Яна спрабуе прайсці праз іншы ўваход, але і там яе спыніў мужчына ў цывільным і штосьці тлумачыць. Калеснікаву суправаджае некалькі асобаў са штабу, а таксама адвакат Ілля Салей. Праз іншы КПП яе таксама не пусцілі, яна пайшла да КПП каля ўваходу ў кінатэатр. Пра гэта піша Тэлеграм-канал «Быборы видишь?»

Да кінатэатру пад’ехалі тры аўтазакі і тры мікрааўтобусы.

20.05 Святлана Ціханоўская, Марыя Калеснікава і Вікторыя Цапкала падыходзяць да скверу.

20.00 У скверы сабраліся мора людзей. Людзі ўсе яшчэ прыбываюць.

Фота: t.me/nexta_live

19.50 У Telegram-каналах паведамляюць, што ў сквер неўзабаве прыедзе Святлана Ціханоўская.

19.45 У скверы сабраліся каля 5 тысячаў чалавек. Людзі скандуюць «Свабоду!»

На пляцоўцы з’явіўся Аляксандр Саладуха. Людзі сустрэлі яго крыкамі «Ганьба!»

Фота: Belsat.eu

Фота: Аліса Ганчар / Belsat.eu

19:20 «Я даўно працую ў палацы і не хацеў сыходзіць. Але я павінен быў зрабіць выбар», – кажа Кірыл Галаўноў, гукач Палацу дзяцей і моладзі. «Мы разумеем, што гэта мерапрыемства – следства несумленнай прэзідэнцкай гонкі», – кажа Уладзь Сакалоўскі, таксама гукач Палацу дзяцей і моладзі.

Гукачы Палацу дзяцей і моладзі. Фота: Аліса Ганчар / Belsat.eu

19.07 Распачаліся праблемы з сувяззю. Стрымы перарываюцца. Застаецца толькі тэлефонная сувязь. У скверы цяпер сабраліся тысячы чалавек.

19.00 Загучала песня Віктара Цоя «Перамен». Паставілі кампазіцыю працаўнікі Палацу моладзі. Яны прызнаюць, што пасля гэтага іх могуць звольніць, але яны жадаюць пераменаў.

Удзельнікі мерапрыемства на плошчы Бангалор. Фота: Аліса Ганчар / Belsat.eu

18.45 У Кіеўскім скверы збіраюцца людзі. Цяпер на пляцоўцы даволі шматлюдна. Улады перагарадзілі ўваходы. Шмат міліцыі, аўтазакі, бусы. Прыбы кіраўнік Менскага АМАПу Дзмітрый Балаба.

18:00 Амаль ніхто не размаўляе з журналістамі. Некаторыя кажуць, што ім забаранілі даваць каментары. Частка кажа, што яны служылі ў войску і Дзень чыгуначных войскаў – іх улюбёнае свята.

Пад’ехаў мужчына на ровары і па-ангельску спытаў, чаму на мерапрыемстве няма Ціханоўскай, а шмат вайскоўцаў. У параўнанні з пікетамі, якія ладзіць аб’яднаны штаб Святланы Ціханоўскай, у парку амаль няма людзей.

Іншаземец на ровары. Фота: Ірына Арахоўская / Belsat.eu
Фота: Ірына Арахоўская / Belsat.eu

17:30 У парк прыходзяць людзі, у асноўным – жанчыны сярэдняга ўзросту і маладыя хлопцы. Усе кучкуюцца ў цяньку пад дрэвамі. Таксама групамі ходзяць вайскоўцы. Грае гімн чыгуначных войскаў. На ўваходзе вельмі падрабязна даглядаюць.

Фота: Ірына Арахоўская / Belsat.eu
Фота: Ірына Арахоўская / Belsat.eu
Фота: Ірына Арахоўская / Belsat.eu

Шмат супрацоўнікаў АМАП і сілавікоў у цывільным.

Фота: Ірына Арахоўская / Belsat.eu

Каманда Ціханоўскай адмовілася ад вялікага мітынгу на Бангалор

СК belsat.eu

Hавiны