Апрануць цяжкія металічныя латы – і ў бой. Усё, як у 15-м стагоддзі. У музейным комплексе Дудуткі ў выходныя прайшоў чацвёрты фестываль «Наш Грунвальд». Цэнтральнаю падзеяй сталася бітва рыцараў – рэканструкцыя знакамітага бою нашых продкаў з Тэўтонскім ордэнам.
КАЦЯРЫНА МІХЕДАВА, МАГІЛЁЎСКАЯ ХАРУГВА:
«Гэта вельмі вялікая пашана да нашых продкаў, якія паклалі свае жыцці, каб нам цяпер добра жылося».
На фестывалі рыцары змаглі падужацца ў індывідуальных і камандных бітвах. Дакладнасць рухаў і трапнасць паказалі лучнікі.
МІКОЛА РАЗРЭЗАЎ, КЛУБ «СТАРАЯ ВЕЖА»:
«Для кагосьці гэта дарагое мужчынскае хобі, для кагосьці аддушына, каб выкінуць з сябе агрэсію, негатыўныя эмоцыі. Для кагосьці паездка на фестываль – гэта магчымасць пазнаёміцца з новымі людзьмі, паглядзець на іншых і сябе паказаць».
Паўдзельнічалі ў фэсце не толькі беларускія рыцары ды іхныя дамы, але і суседзі з Расеі ды Украіны. А тыя, хто прыехалі ў Дудуткі як гледачы, змаглі пакаштаваць сярэднявечных страваў і паспрабаваць сябе ў якасці лучніка або арбалетчыка.
Іншыя тэмы: фільм «У тумане» атрымаў узнагароду ў Адэсе. Неба ў Менску пазелянела на некалькі хвілінаў.
belsat.eu
