У Менску пайшоў Марш пенсіянераў, да якіх ужо традыцыйна далучыліся медыкі і студэнты. Калона рушыла ад Чырвонага касцёла ўздоўж пр. Незалежнасці да пл. Якуба Коласа.
А напрыканцы ўдзельнікі маршу зладзілі мітынг з песнямі. Выконвалі і Купалінку.
А яшчэ пенсіянеры сабраліся на сустрэчу ў Жодзіна!
Праваабарончы цэнтр Вясна паведамляе пра 314 затрыманых учора і 26 затрыманых сёння чалавек
Медыкі апублікавалі здымкі пацярпелаўа на нядзельным маршы.
Колькасць людзей, што паасобку далучаюцца да стачкі, расце кожны дзень.
У Берасці будуць судзіць 70-гадовага пенсіянера.
Спадар раніцай 27 ліпеня прыйшоў у кабінет начальніка міжраённага аддзелу ДАІ УУС Берасцейскага аблвыканкаму і некалькі разоў стрэліў у яго з піратэхнічнай прылады. Пенсіянер так помсціў за прызначаныя яму штрафы. Дзеянні абвінавачанага кваліфікаваны па арт. 364 КК, ён змешчаны пад варту.
А абаронцам Курапатаў Ганне і Віктару Шапуцькам далі 15 і 12 содняў арышту адпаведна.
Больш за 200 выкладчыкаў і супрацоўнікаў БДМУ падпісалі зварот у падтрымку адлічаных з універсітэту студэнтаў.
А ўвечары выйшлі на акцыю падтрымкі студэнтаў.
Следчы камітэт распачаў крымінальную справу наконт масавых закалотаў (арт. 342 КК РБ) у Менску 1 лістапада.
Падазронымі прызнаныя 231 чалавек. Яны нібыта не падпарадкоўваліся прадстаўнікам улады, шкодзілі гарадскую інфраструктуру і аўтамабіль сілавікоў.
У гарадзенскім драмтэатры на лістапад адмененыя ўсе спектаклі.
Паглядзець можна будзе толькі пастаноўкі актораў з Расеі.
Крама вопраткі з нацыянальным каларытам LSTR зачыняецца.
На які тэрмін – пакуль невядома. Але напачатку трэба сплаціць штраф у 215 базавых вялічыняў. Замовіць вопратку ў брэнда можна праз старонку.
Але беларусы працягваюць выходзіць і падтрымліваць адзін аднаго, студэнтаў, завадчан і ўсіх, каму зараз складана!
