Вядомы расейскі музычны крытык, які падтрымлівае апазіцыю, параўноўвае двух дыктатараў.
Паводле Арцемія Троіцкага, Уладзімір Пуцін не зробіцца такім дыктатарам, як Аляксандр Лукашэнка, бо для расейскага прэзідэнта надзвычай важныя стасункі з Захадам. «Лукашэнку і ягонай кампаніі ўжо губляць няма чаго. Іх не пускаюць ужо нікуды <…> Нашых хлопцаў пакуль што прымаюць».
Паводле суразмоўцы, кіраўнікі Расеі не хочуць апынуцца на месцы Лукашэнкі, бо на Захадзе яны захоўваюць свае грошы і маюць шмат нерухомасці: «Нашая эліта – яна насамрэч усімі сваімі шчупальцамі сядзіць на Захадзе, адсюль яна толькі грошы пампуе».
Таму, кажа Троіцкі, расейская кіроўная эліта ў плане рэпрэсіяў добра ведае, якую мяжу ёй пераступіць нельга.
belsat.eu
