80-ты дзень пратэстаў: вайна з медыкамі, крымінальная справа супраць Пальчыса, Шкляраў з’ехаў з Беларусі

Агляд галоўных падзей дня чытайце на belsat.eu.

Вайна з дактарамі

Сёння раніцай дактары выйшлі на акцыю салідарнасці ў Менску. З двух дзясяткаў удзельнікаў ранішняй акцыі затрымалі адзінаццаць, астатнім удалося ўцячы. Некалькі гадзінаў лекары правялі ў пастарунку. Планавыя аперацыі былі прыпыненыя. Цяпер у дактароў на руках пратаколы за ўдзел у несакцыянаваным мерапрыемстве, а значыць наперадзе суд.

Вядомы беларускі кардыёлаг, акадэмік, доктар медыцынскіх навук і былы дырэктар РНПЦ «Кардыялогія» Аляксандр Мрочак пракаментаваў «Белсату» сённяшняе затрыманне лекараў у Менску.

«Са мной прайшла своеасаблівая трансфармацыя пасля 9-10 жніўня, падобная трансфармацыя адбылася са шматлікімі медыцынскімі работнікамі».

Масавыя затрыманні медыкаў

Лукашэнка пра пратэстуючых студэнтаў: Яны павінны быць выключаныя з вну

Аляксандр Лукашэнка пагражае ўсім, хто бастуе, адлічэннямі з вучобы, але пратэсты студэнтаў толькі набіраюць моц. Супраць гвалту працягваюць выступаць навучэнцы і супрацоўнікі дзясяткаў вну па ўсёй Беларусі.

Лукашэнка загадаў разганаць дэманстрантаў на Арлоўскай

Лукашэнка заявіў, што ён загадаў разагнаць мірных пратэстоўцаў на Арлоўскай з ужываннем спецсродкаў. Паводле яго, дэманстрантам у нядзелю «патрэбна была карцінка».

«Мэта была захапіць цэнтр – не пусцілі. Сонца сядае. Пайшлі на аддзелы міліцыі, пайшлі, што самае страшнае, у спальныя раёны. Цёмна, людзі перапалоханыя. Хтосьці а сёмай гадзіне выйшаў з дзеткамі на вуліцу. Гэта што нармальна, калі натоўп п’яны, ашалеўшы, праколаты наркотыкамі, пракураны і прапіты – сотні асобаў рынуліся ў гэтыя раёны. Што трэба было рабіць міліцыі? Гэта быў мой загад, каб засцерагчы людзей. Пачалі выкрываць кватэры, рынуліся туды, прыйшлося з кватэр выцягваць гэтых наркаманаў», распавёў Лукашэнка.

25 кастрычніка сілавікі ўжылі супраць мірных грамадзянаў светлашумавыя гранаты і гумавыя кулі. Некалькі дзясяткаў чалавек звярнуліся ў шпіталі. Многія не пайшлі да дактароў, бо баяцца пераследу з боку сілавікоў.

15 содняў для Змітра Дашкевіча

Суд Маскоўскага раёну сталіцы пакараў 15 соднямі арышту Змітра Дашкевіча. Вядомага актывіста і грамадскага дзеяча затрымалі на маршы ў нядзелю. Пастанову вынесла не менш вядомая ў палітычных прысудах Таццяна Моталь.

Праваабаронцы адзначаюць: з пачатку жніўня колькасць людзей, якія трапілі пад адміністратыўны пераслед, перавысіла 20 тысяч асобаў.

Сёння праваабарончы цэнтр «Вясна» паведамляе пра 31-у затрыманую асобу.

Беларускія суды працуюць на апраўданне катаванняў

На «Гродна Азоце» другі дзень страйку

Змена цэху «Карбамід-4» «Гродна Азот» не прымаецца з раніцы 26-ага кастрычніка. Асноўным месцам страйку застаюцца два буйныя, зьвязаныя паміж сабой цэхі — «Аміяк-3» і «Карбамід-4».

Па стане на вечар 27 кастрычніка працэс у цэху «Карбамід-4» адсочвае кіраўнік цэха. Людзі абураныя збіццём калег і прымусам да працы з боку амапаўцаў. Міліцыянты, якія затрымалі працаўнікоў «Гродна- Азот», жорстка збівалі людзей у аўтазаках. Прынамсі аднаго страйкоўца сёння затрымалі, піша Радыё Свабода.

Святлана Ціханоўская падвяла вынікі другога дня забастоўкі

«Я ведаю, што сёння работнікі МТЗ, МАЗ, МЗКЦ, Інтэграла сутыкнуліся з адміністрацыйнымі пакараннямі. На МЗКЦ звольнілі аднаго з лідараў стачкі, інжынера Аляксандра Лаўрыновіча, і гэта не адзінкавы выпадак рэпрэсіяў супраць актывістаў. Але нягледзячы на ціск і пагрозы, заводы і прадпрыемствы працягваюць страйк.

Усе гэтыя спробы ціску – часовыя. Яны спадзяюцца, што запалохванне спрацуе. Яны хочуць, каб вы баяліся за сваю будучыню, таму што баяцца за ўласную яшчэ больш. У новай Беларусі не будзе месца рэпрэсіям, таму што мы, народ гэтай краіны, цэнім кожнага працаўніка завода, кожнага лекара, кожнага выкладчыка і студэнта».

Палітвязень Віталь Шкляраў з’ехаў з Беларусі

Паліттэхнолаг Віталь Шкляраў пакінуў Беларусь і імаверна вяртаецца ў ЗША. У Віталя ёсць амерыканскі дыпламатычны пашпарт. Вызваленне Віталя Шклярава абмяркоўваў кіраўнік Дзярждэпу ЗША Майк Пампэа па тэлефоне з Аляксандрам Лукашэнкам.

Палітвязень Віталій Шкляраў з’ехаў з Беларусі

Супраць Эдуарда Пальчыса распачалі крымінальную справу

Блогер адбыў 30-дзённы арышт на Акрэсціна. Сёння яго меліся выпусціць, аднак на свабоду Пальчыс не выйшаў.

Тэлеграм: Супраць блогера Эдуарда Пальчыса распачалі крымінальную справу

Колькасць інфікаваных каронавірусам за дзень перавысіла 900 чалавек

Тэмпы росту распаўсюду каронавірусу дасягнулі паказнікаў першай хвалі эпідэміі.

Колькасць інфікаваных каронавірусам за дзень перавысіла 900 чалавек

belsat.eu

Hавiны