Следчы камітэт Беларусі распачаў крымінальную справу за ілжывае паведамленне пра мініраванне самалёту. Пра гэта паведамляе тэлеграм-канал СК.
Вечарам 1 лістапада ў Нацыянальным аэрапорце «Менск« пры пасадцы на рэйс на Санкт-Пецярбург 80-гадовы пасажыр паведаміў пра магчымасць выбуху борта.
На месца здарэння выязджалі сапёры і следчыя, выбуховых прыладаў не выяўлена.
У дачыненні да пенсіянера распачатая крымінальная справа за заведама фальшывае паведамленне пра небяспеку паводле ч.1 арт.340 Крымінальнага кодэкса. Зараз ён затрыманы.
МГ belsat.eu