Віталь Рымашэўскі таксама агучыў асноўныя пункты сваёй перадвыбарчай праграмы. У тым ліку – стварэнне парламенцкай рэспублікі, інтэграцыя Беларусі ў Еўразвяз і пашырэнне мясцовага самакіравання.
З’езд аднагалосна прагаласаваў за вылучэнне сустаршыні аргкамітэту па стварэнні партыі Віталя Рымашэўскага кандыдатам на пасаду прэзідэнта. Акрамя таго, дэлегаты пастанавілі, што БХД будзе каардынаваць сваю дзейнасць у ходзе выбарчай кампаніі ды назірання за выбарамі з іншымі прадстаўнікамі дэмакратычных сілаў. Падчас з’езду таксама прынялі рашэнне, што БХД будзе заклікаць да байкоту прэзідэнцкіх выбараў, калі партыйнага кандыдата не зарэгіструюць.
belsat.eu
13.09.2010